დიდი ქართველი ავიაკონსტრუქტორის ალექსანდრე ქართველიშვილის და მის
მიერ შექმნილი თვითმფრინავების შესახებ
ქართველიშვილი დაიბადა თბილისში, ცნობილი მოღვაწის მიხეილ ქართველიშვილის ოჯახში. სწავლობდა თბილისის ქართულ სათავადაზნაურო გიმნაზიაში, რომელიც დაამთავრა 1914 წელს. 1922 წელს დაამთვარა პარიზის ავიაციის უმაღლესი სკოლა. 1922-1927 წლებში მუშაობდა გამოჩენილი ფრანგი ავიატორის ლუი ბლერიოს კომპანიაში, სადაც მონაწილეობა მიიღო თვითმფრინავების "Bernardდა "Ferbois”შექმნაში. 1924 წელს მისმა ერთ-ერთმა თვითმფრინავმა დაამყარა სიჩქარის მსოფლიო რეკორდი. 1927 წელს ცნობილმა ამერიკელმა მულტიმილიონერმა ჩარლზ ლევინმა ქართველიშვილი სამუშაოდ მიიწვია ნიუ-იორკში. 1928 წელს მან მოღვაწეობა დაიწყო ცნობილ კომპანიაში "Fokker American Company”. 1931 წელს იგი შეხვდა საავიაციო საქმის მეორე ცნობილ ინჟინერს ალექსანდრე სევერსკის, რომელიც წარმოშობით ქართველი გახლდათ და იყო იმხანად უკვე ფართოდ ცნობილი კორპორაციის "Seversky Aircraft Corporation” პრეზიდენტი და მთავარი ინჟინერი. 1939 წელს მას შეეცვალა სახელი და ეწოდა "Republic Aviation Company”. ქართველიშვილი იყო ამ კომპანიის ვიცე-პრეზიდენტი.
ქართველიშვილმა და სევერსკიმ ერთად შექმნეს რამდენიმე თვითმფრინავი, ხოლო მეორე მსოფლიო ომის დროს თვითმფრინავი Republic P-47,რომელიც ომის ბოლო წლებში შეერთებული შტატების საჰაერო ძალების ერთ-ერთ მთავარ თვითმფრინავს წარმოადგენდა.
მეორე მსოფლიო ომის შემდეგ ქართველიშვილმა შექმნა ისეთი ცნობილი თვითმფრინავები როგორიც არის F-84 Thunderjet, Republic F-105,და Republic F-84.და უკვე ბოლოს შექმნილი A-10 რომელიც რუსული სატანკო არმადების გასანადგურებლად შეიქმნა. ის აწყობილი იყო ტყვიამფრქვევის გარშემო რომლითაც უნდა დაეზიანებინა ტანკები. ის ამერიკული ავიაციის ერთ ერთი საუკეთესო თვითმფრინავია და კიდევ 20 წელი დარჩება ექსპლუატაციაში.ავიამშენებლობის და აერონავტიკის დარგში დიდი დამსახურებისთვის ქართველ ინჟინერს მიღებული ჰქონდა აშშ-ის მეცნიერების ეროვნული მედალი. იგი არჩეული იყო აშშ-ის საინჟინრო აკადემიის საპატიო წევრად.
ალექსანდე ქართველიშვილი გარდაიცვალა 1974 წელს ნიუ-იორკში.
